Azərbaycan idmançıları III MDB Oyunlarında uğurlarını davam etdirir. Bu dəfə üzgüçü Oqtay Hüseynov yarışın final mərhələsində bütün rəqiblərini üstələyərək qızıl medala sahib olub.
400 metr məsafəyə qarışıq üsulla üzmə yarışında qələbə qazanan Oqtay Hüseynov öz ölkəsini podiumun ən yüksək pilləsinə çıxarıb. Rusiyalı İlia Iamşanov ikinci, Belaruslu Maksim Malyşka isə üçüncü olub.
Bundan əlavə, Azərbaycanın digər üzgüçüsü Eqor Maynitskiy 200 metr bras üsulu ilə üzmə yarışında bürünc medal qazanıb. Rusiyalı İlia Yaşmanov qızıl, Belaruslu Maksim Malyşka gümüş medal əldə edib.
III MDB Oyunlarının Gəncə şəhərindəki İdman Sarayında üzgüçülük yarışları davam edir. Həmin gün yeddi idman növü üzrə müxtəlif təsnifat mərhələləri keçirilir. Azərbaycan U-15 qadın voleybol millisi Qırğızıstanla, Şəki millisi isə Küveytlə qarşılaşıb. Qəbələdə stend atıcılığı, Yevlaxda boks, Mingəçevirdə isə taekvondo yarışları təşkil olunub.
Turnirdə 13 ölkədən ümumilikdə 1624 idmançı və 2337 nümayəndə iştirak edir. Azərbaycanı 340 idmançı təmsil edir və ölkə medal sıralamasında öncül mövqelərdədir. III MDB Oyunları oktyabrın 8-də başa çatacaq.
