Azərbaycanın idmançısı Oktay Hüseynov MDB məkanında ən mühüm idman tədbirlərindən biri sayılan III MDB Oyunlarında uğurlu çıxış edib. Yarışlarda müxtəlif idman növləri üzrə iştirak edən komandalar arasında rəqabət yüksək olub.
Gəncə İdman Sarayında baş tutan üzgüçülük yarışında Hüseynov 200 metr məsafəni “butterfly” üsulu ilə üzərək finişə ikinci yerdə çatıb. Yarışın qalibi Rusiyadan Maksim Starovoitov, üçüncü yeri isə Özbəkistan təmsilçisi Javlonbek Qaniyev tutub.
Oyunlarda yalnız üzgüçülük deyil, həm də futbol, voleybol, stolüstü tennis, sambo, atıcılıq və taekvondo üzrə mübarizələr davam edir. Qəbələ, Gəncə, Göygöl, Mingəçevir və Yevlax şəhərlərində paralel keçirilən yarışlarda müxtəlif ölkələrin idmançıları güclərini sınayır.
Təşkilatçıların məlumatına görə, bu gün səkkiz idman növü üzrə həlledici görüşlər keçiriləcək. Qəbələ Olimpiya Kompleksində stolüstü tennisin finalı, Qəbələ stadionunda isə 16 yaşadək futbol yığmalarının qarşılaşmaları baş tutacaq. Bununla yanaşı, Gəncə və digər şəhərlərdə də müxtəlif idman növləri üzrə oyunlar davam etdiriləcək.
