Məşhur repçi və aktyor Snoop Dogg 2026-cı il İtaliya Qış Olimpiadasında NBC telekanalının xüsusi müxbiri kimi fəaliyyət göstərəcək.
Snoop Dogg, 2026-cı ildə keçiriləcək Qış Olimpiya Oyunlarında idman və mədəniyyət mövzularını əhatə edən reportajlarla televiziya tamaşaçıları qarşısına çıxacaq. O, aparıcı Mayk Tiriko ilə birgə efirə çıxacaq və yarışların canlı yayımlarında iştirak edəcək.
İtaliyanın Milan və Kortina-d’Ampetso şəhərlərində baş tutacaq oyunlar zamanı Snoop Dogg həm yarışları izləyəcək, həm də şəhərin tarixi və görməli yerlərini təqdim edəcək. Məşhur sənətçi idmançıların həyatına dair reportajlar hazırlayacaq və onların ailələri ilə ünsiyyət quracaq.
Bundan əvvəl, Snoop Dogg Paris Olimpiadasında olimpiya məşəlini daşıyaraq bağlanış mərasimində iştirak etmişdi. Eyni zamanda, 2021-ci ildə Tokio Olimpiadasında Kevin Hart ilə “Peacock” platformasında şou təqdim etmişdir.
2026-cı il Qış Olimpiya Oyunları 6-22 fevral tarixləri arasında keçiriləcək və Snoop Doggun çıxışı oyunlara əlavə diqqət və maraq qatacaq. Bu, onun idman sahəsində televiziya təcrübəsinin daha da genişlənməsinə imkan verəcək.
