Paytaxtda 26 yaşlı gənc tanımadığı şəxslər tərəfindən bıçaqlanıb
Bakıda bıçaqlanma hadisəsi baş verib.
“Report” xəbər verir ki, hadisə Suraxanı rayonunda qeydə alınıb.
Belə ki 1995-ci il təvəllüdlü İmamcanov Natiq Məmmədağa oğlu tanımadığı şəxslər tərəfindən bıçaqlanıb.
Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona sağ əlin ovuc səthinin çoxsaylı kəsilmiş yarası və ənsə nahiyəsinin kəsilmiş yarası diaqnozları qoyulub.
N.İmamcanovun vəziyyəti ağır olduğundan o, xəstəxananın reanimasiya şöbəsinə yerləşdirilib.
Faktla bağlı araşdırma aparılır.
