Meksika neft ixracını dayandıracaq
Meksikadan dünya ölkələrinə neft ixracı 2023-cü ildə demək olar ki, tam başa çatacaq.
Bu barədə “Pemex” dövlət neft-qaz şirkətinin rəhbəri Oktavio Oropesa keçirdiyi mətbuat konfransında məlumat verib.
O bildirib ki, ölkədə yeni neft emalı müəssisələrinin fəaliyyətə başlaması ilə Meksikada hasil olunan bütün neft yerli zavodlarda emal ediləcək.
Qeyd edək ki, 2020-ci ilin sentyabrında Meksika prezidenti Andres Manuel Lopez Obrador da 2024-cü ildə hökumətin səlahiyyət müddəti bitmədən xaricə neft tədarükünü dayandırmaq niyyətində olduğunu açıqlayıb.
Hakimiyyət karbohidrogen ehtiyatlarını gələcək nəsillər üçün qoruyub saxlamaq niyətində olduğunu bəyan edib.
Mənbə: TASS
