Telegram messencerinin təsisçisi Pavel Durov-un keçən il Fransada saxlanılması xəbərləri medianın əsas gündəmini təşkil etmişdir. Amma Durov-un Bakı səfərinin sadəcə turistik məqsəd daşıdığı barədə yayılan məlumatların əksinə, onun Azərbaycanda kiber təhlükəsizlik mərkəzlərinə xüsusi işgüzar səfər etdiyi məlum olub.
Pavel Durov Bakıdakı İsrailin dəstəyi ilə yaradılmış kiber təhlükəsizlik mərkəzini ziyarət edib
Pavel Durov-un Fransaya uçuşundan əvvəlki son işgüzar fəaliyyəti Azərbaycan Respublikasına məxsus kiber təhlükəsizlik mərkəzini ziyarət etmək olub. Bu mərkəz 2023-cü ilin mart ayında İsrailin Technion Texnologiya İnstitutu və Azərbaycan Rəqəmsal İnkişaf və Nəqliyyat Nazirliyinin birgə əməkdaşlığı ilə təsis edilib.
İsrailin Technion Texnologiya İnstitutu 1912-ci ildə təsis edilmiş və İsrail dövlətinin qurulmasından öncəki dövrdə hərbi ehtiyacların ödənilməsi üçün həllər təqdim edən ən qədim universitetlərdən biridir. Bu universitetin kompüter elmləri fakültəsi dünyada ən yaxşı 20 fakültədən biri hesab edilir.
Technion, Bakının kiber təhlükəsizlik mərkəzinin yaradılmasında və idarə edilməsində mühüm rol oynayıb. Bu mərkəzdə növbəti üç il ərzində minlərlə azərbaycanlı mütəxəssis İsrailin təhlükəsizlik və kəşfiyyat sahəsindəki təcrübəli mütəxəssislərindən təlim alırlar. Layihənin maliyyələşdirilməsi isə Paşa Holdinq tərəfindən həyata keçirilir. Bu holdinqin əsas sahibi Azərbaycan Respublikasının birinci xanımı Mehriban Əliyeva və onun ailəsidir. Paşa Holdinqin İsrail və Böyük Britaniyanın şirkətləri ilə sıx biznes əlaqələri mövcuddur.
Mərkəzin açılış mərasimində Azərbaycan Dövlət Təhlükəsizliyi Xidmətinin rəhbəri Əli Nağıyev, Rəqəmsal İnkişaf və Nəqliyyat Naziri Rəşad Nəbiyev, İsrailin keçmiş Xarici İşlər Naziri Qabi Aşkenazi, Technion nümayəndəsi Boaz Qulani və İsrail səfirliyinin təmsilçiləri iştirak ediblər.
Bundan əvvəl, qış aylarında, Azərbaycanın rəqəmsal inkişaf və nəqliyyat naziri ölkədə İranın televiziya və radio siqnallarının qarşısını almaq üçün xüsusi proqramın hazırlandığını bəyan etmişdi.
