Dünyanın nadir təbiət möcüzələrindən biri olan Suqovuşan – VİDEO

Bir-birinə rəqib olan ölkəmizin ən böyük iki çayı Kür və Araz çayları Suqovuşanda birləşir.

Belə ki, Araz çayı, İran, Azərbaycan və Ermənistan əraziləri və sərhədləri ilə axan çaydır. Çay öz mənbəyini Türkiyə ərazisindəki Ərzurum dağlarından götürür.

Azərbaycan Respublikası və İran ərazilərindən keçərək, Suqovuşan adlanan ərazidə Kür çayı ilə birləşib Xəzər dənizinə tökülür.

Kür çayı isə öz başlanğıcını Türkiyənin şimal-şərqindəki buzlaqlardan götürür, Türkiyə və Gürcüstandan keçərək Azərbaycan ərazisinə daxil olur. Burada Kür özünün ən böyük qolu olan Araz çayı ilə Sabirabad şəhəri yaxınlığında birləşir və Neftçala rayonu ərazisində Xəzər dənizinə tökülür.

Kürün Qafqaz ərazisindən axdığı yerlərdə insanlar bir neçə min il əvvəldən məskunlaşıblar. Rayon sakinləri qeyd edirlər ki, bu gün bu tarixi məkanın tanınmasına böyük ehtiyac var.

Amma buranın təbliğatı kifayət qədər zəif aparılıb. Odur ki, buranın təbliği bölgədə turizm imkanlarının inkişaf etməsinə şərait yarada bilər.

Qeyd edək ki, iki çayın qovuşaraq yaratdığı füsunkar mənzərə bir çox tarixi hadisələrə, şahidlik edib. Məşhur filmlərə səhnə olub. Hətta bir necə musiqi əsərimizdə bu məkanda işıq üzü görüb.

Daha ətraflı Baku TV-nin süjetində: