2021-ci ildə “Azəri-Çıraq-Günəşli” və “Şahdəniz” yataqlarından əldə edilən gəlir AÇIQLANDI

Azərbaycan Respublikası Dövlət Neft Fondu 2021-ci ilin yanvar-dekabr ayları ərzində “Azəri-Çıraq-Günəşli” (AÇQ) və “Şahdəniz” yataqları üzrə ümumi 6 853 193 000 ABŞ dollarına yaxın gəlir əldə edib.

Dövlət Neft Fondundan “BakuTime.com” –-a verilən məlumata əsasən, bu dövrdə Azəri-Çıraq-Günəşli yatağından 5 968 400 000 dollar həcmində gəlir əldə edilib.

Ötən ilin eyni dövrü ilə müqayisədə AÇQ üzrə əldə edilən gəlirlərin həcmi 1,7 dəfə artıb.

Həmçinin, 2021-ci ilin yanvar-dekabr ayları ərzində “Şahdəniz” qaz və kondensat yatağından əldə edilən gəlirin ümumi həcmi 884 793 000 ABŞ dolları olub. 2020-ci ilin eyni dövrü ilə müqayisədə gəlir həcmi 3 dəfə artıb.

“Şahdəniz” yatağı üzrə kondensatın satışından 302 817 000 ABŞ dolları gəlir əldə edilib. Bu isə ötən ilin müvafiq dövrü ilə müqayisədə 35,5 faiz çoxdur.

Xatırladaq ki, Neft Fondu 2020-ci yanvar-dekabr ayları ərzində AÇG yatağından 3 522 700 000 ABŞ dollar, “Şahdəniz” yatağı üzrə qaz və kondensatın satışından isə 293 900 000 ABŞ dolları gəlir əldə edilib.