Kriptovalyuta bazarında diqqət çəkən hadisə baş verib. 2013-cü ilin noyabrında əldə edilən 400 “Bitcoin”in hamısı 12 il sonra köçürülüb. Hadisə kriptoinvestorlar və analitiklər arasında maraq doğurub.
Maliyyə mütəxəssislərinin diqqətini cəlb edən əməliyyat, kriptovalyuta tarixində nadir hallarda rast gəlinən uzunmüddətli saxlamanın nümunəsi hesab edilir. “Bitcoin”in qiymətindəki dəyişiklik nəticəsində sərmayənin dəyəri yüz milyonlarla dollara yüksəlib.
Sentyabrın 29-na keçən gecə, “balina” hesabı kimi tanınan ünvanlardan birində saxlanılan 400.08 BTC birdəfəlik köçürülüb. Təxminən 44.48 milyon dollar dəyərindəki rəqəmsal aktivlər 27 fərqli ünvana bölünüb.
Əldə edilən məlumata görə, həmin “Bitcoin”lər 2013-cü ilin noyabrında, hər biri 599 dollardan alınıb. O dövrdə ümumi dəyər 239.8 min dollar təşkil edirdi. Hazırkı köçürülmə ilə sərmayənin ümumi qazancı 44.2 milyon dollara çatıb.
Əməliyyatı kimin həyata keçirdiyi açıqlanmayıb və köhnə pul kisəsində heç bir vəsait qalmayıb. Hadisə, kriptovalyuta bazarında iri miqyaslı sərmayələrin necə illər ərzində dəyər qazana biləcəyini bir daha göstərib.
