Əfv sərəncamının icrası başa çatıb – YENİLƏNİB + FOTO/VİDEO
Əfv sərəncamının icrası başa çatıb.
“BakuTime.com” xəbər verir ki, Prezident İlham Əliyevin mayın 27-də imzaladığı “Məhkum edilmiş bir sıra şəxslərin əfv olunması haqqında” Sərəncam ümumilikdə 213 nəfərə şamil olunub.
Onlardan 167 şəxs azadlıqdan məhrumetmə növündə cəzanın çəkilməmiş hissəsindən azad olunub. 1 şəxs ömürlük azadlıqdan məhrumetmə cəzasından azad olunub, 36 şəxsin azadlıqdan məhrumetmə növündə cəzanın çəkilməmiş hissəsi yarıyadək endirilib.
3 şəxs şərti məhkum etmədən azad edilib, 6 şəxs azadlığın məhdudlaşdırılması növündə cəzadan azad olunub.
11:52
Əfv sərəncamı Ədliyyə Nazirliyinin Penitensiar Xidmətinin 17 saylı cəzaçəkmə müəssisəsində icra olunub.
“BakuTime.com” xəbər verir ki, bu cəzaçəkmə müəssisəsində sərəncam ümumilikdə 7 məhkuma şamil olunub.
Həmin şəxslər müvafiq arayışlar təqdim olunmaqla azadlığa buraxılıblar.
11:23
Əfv sərəncamı Ədliyyə Nazirliyinin Penitensiar Xidmətinin 9 saylı cəzaçəkmə müəssisəsində icra olunub.
“BakuTime.com” xəbər verir ki, bu cəzaçəkmə müəssisəsində sərəncam ümumilikdə 7 məhkuma şamil olunub.
Həmin şəxslər müvafiq arayışlar təqdim olunmaqla azadlığa buraxılıblar.
11:16
Əfv sərəncamı Ədliyyə Nazirliyinin Penitensiar Xidmətinin 2 saylı cəzaçəkmə müəssisəsində icra olunub.
“BakuTime.com” xəbər verir ki, bu cəzaçəkmə müəssisəsində sərəncam ümumilikdə 27 nəfər məhkuma şamil olunub.
Həmin şəxslərdən 22-si azadlığa buraxılıb, 5 nəfərin cəzası yarıya endirilib.
11:07
Əfv sərəncamı Ədliyyə Nazirliyinin Penitensiar Xidmətinin 16 saylı cəzaçəkmə müəssisəsində icra olunub.
“BakuTime.com” xəbər verir ki, bu cəzaçəkmə müəssisəsində sərəncam ümumilikdə 3 məhkuma şamil olunub.
Həmin şəxslər cəzaçəkmə müəssisəsindən azadlığa buraxılıb. Əfv edilən şəxslərdən biri İran vətəndaşı, iki nəfər isə Azərbaycan vətəndaşıdır.
Eyni zamanda Penitensiar Xidmətin 14 saylı cəzaçəkmə müəssisəsində əfv sərəncamı icra olunub.
Cəzaçəkmə müəssisəsində cəzaçəkən 3 məhkum azadlığa buraxılıb. Onlardan biri Türkiyə vətəndaşıdır.
10:43
Əfv sərəncamı çərçivəsində Ədliyyə Nazirliyinin Penitensiar Xidmətinin 13 saylı cəzaçəkmə müəssisəsindən 12 məhkum azadlığa buraxılıb.
“BakuTime.com” xəbər verir ki, əfv sərəncamı cəzaçəkmə müəssisəsindən 16 nəfərə şamil olunub.
Onlardan 12-si azadlığa buraxılıb, 4 məhkumun isə cəzası yarıya endirilib.
10:30
Əfv sərəncamının icrası Ədliyyə Nazirliyinin Penitensiar Xidmətinin 10 saylı cəzaçəkmə müəssisəsində davam etdirilib.
“BakuTime.com” xəbər verir ki, sərəncam bu müəssisədəki məhkumlardan 11 nəfərə şamil olunub. Onlardan 7 nəfər azadlığa buraxılıb, 4 nəfərin isə cəzası yarıya endirilib.
Eyni zamanda, Ədliyyə Nazirliyinin Penitensiar Xidmətinin 12 saylı cəzaçəkmə müəssisəsində cəzaçəkən 2 məhkuma əfv sərəncamı şamil edilib. Onlardan bir nəfər cəzasının çəkilməmiş hissəsindən azad edilib.
Müəssisədə cəzaçəkən bir məhkumun isə cəzası azaldılıb.
10:21
Prezident İlham Əliyevin mayın 27-də imzaladığı “Məhkum edilmiş bir sıra şəxslərin əfv olunması haqqında” sərəncam Ədliyyə Nazirliyinin Penitensiar Xidmətinin 11 saylı cəzaçəkmə müəssisəsində icra edilib.
“BakuTime.com” xəbər verir ki, müəssisədə cəzaçəkən 7 məhkum əfv edilib.
Onlardan 3 nəfər cəzasının çəkilməmiş hissəsindən azad edilib. Onlara müvafiq ərizələr təqdim edildikdən sonra azadlığa buraxılıblar.
Müəssisədə cəza çəkən 4 məhkumun isə cəzası yarıya endirilib.
08:18
Prezident İlham Əliyevin mayın 27-də imzaladığı “Məhkum edilmiş bir sıra şəxslərin əfv olunması haqqında” sərəncamın icrasına başlanılıb.
“BakuTime.com” xəbər verir ki, sərəncama əsasən, məhkum olunmuş bir sıra şəxslərin, onların ailə üzvlərinin, İnsan hüquqları üzrə müvəkkilin, insan hüquqlarının müdafiəsi təşkilatlarının Azərbaycan Prezidentinə ünvanlanmış əfv haqqında müraciətlərinə baxılaraq, məhkumların şəxsiyyəti, səhhəti, ailə vəziyyəti, törətdikləri cinayətlərin xarakteri və ictimai təhlükəlilik dərəcəsi, cəza çəkdikləri müddəti və həmin müddətdə davranışları nəzərə alınaraq, humanizm prinsipləri əsas götürülərək ümumilikdə 213 nəfər əfv edilib.
Belə ki, azadlıqdan məhrumetmə cəzasına məhkum olunmuş 167 nəfər cəzasının çəkilməmiş hissəsindən azad edilib, 1 şəxs ömürlük azadlıqdan məhrumetmə cəzasından azad olunub, 36 nəfərin cəzasının çəkilməmiş hissəsi yarıyadək azaldılıb. Eləcə də azadlıqdan məhrumetmə cəzasına şərti olaraq məhkum edilmiş 3 nəfər cəzadan azad ediliblər. Eyni zamanda azadlığın məhdudlaşdırılması cəzasına məhkum edilmiş 6 nəfər cəzalarının çəkilməmiş hissəsindən azad olunublar.
Bundan başqa, əfv olunmuş 213 nəfərdən biri Özbəkistan, biri İran, biri də Türkiyə vətəndaşdır.
Qeyd edək ki, 1995-ci ildən bu günə kimi əfvetmə ilə bağlı 68 fərman və sərəncam imzalanıb, 8 987 məhkum əfv olunub. Bu sərəncamlardan 36-sı Azərbaycan Prezidenti İlham Əliyev tərəfindən imzalanıb və həmin aktlar 5 885 nəfərə şamil olunub.
Könül Cəfərli
FOTO: Sabiq Məmmədov
